Mauaji ya kutisha Kenya, 76 wauawa na kujeruhiwa

Watu wasiopungua 41 wameuliwa kwa umati katika shambulizi la kushitukiza la alfajiri kwenye kijiji kimoja cha ndani huko Tana Delta nchini Kenya.

Watu wasiojulikana wamekivamia kijiji cha Kipao huko Tana River Delta alifajiri ya kuamkia leo na kuua kwa umati makumi ya watu na kujeruhi makumi ya wengine.

Habari kutoka nchini Kenya zinasema kuwa mauaji hayo yalifanyika saa tisa usiku kuamkia leo na mbali na kuuawa watu 41 wakiwemo wanawake na watoto wadogo, yamepelekea kujeruhiwa pia watu wengine 35.

Watu waliojeruhiwa waliwahishwa kwenye Hospitali ya Wilaya ya Malindi ambako wanaendelea kupata matibabu.

Wavamiaji hao waliwacherenga kwa mapanga na kuwapiga risasi wanavijiji hao wakati wakiwa wamelala na kupelekea baadhi yao kukimbilia msituni usiku wa manane licha ya kuweko wanyama wakali.

Mwezi Agosti na Septemba mwaka huu pia zaidi ya watu 100 waliuliwa katika machafuko kama hayo kwenye eneo hilo na kuilazimisha serikali kutuma mamia ya askari wake kwenye eneo hilo.

  

UZIMA WA MILELE KWA NANI?

 Jifunze kuhusu wokovu na injili ya YESU KRISTO.

“Kama vile Baba alivyo na uzima ndani Yake, vivyo hivyo amempa Mwana kuwa na uzima ndani Yake.” (Yoh.5:26).
Uzima wa milele siyo jambo la muda! Kana kwamba, eti, utaishi kwa milele na milele, mwaka hadi mwaka hadi mwaka! Baba na Mwana tu wanao huo Uzima ndani Yao! Uzima wa milele ni jambo la hali, jambo la tabia!
Uzima (wa milele) ni hali au tabia ya Mungu Mwenyewe!  Uzima wa milele ni Utakatifu, Upendo, Wema, Huruma, Uvumilivu, Ufadhili, Nuru. Mungu anaweza kulifanya jiwe lidumu hata milele. Bado hiyo haimaanishi kwamba lile jiwe linao uzima wa milele! Ni vivyo hivyo kwetu!
“Huu ndio ushuhuda, ya kwamba, Mungu ametupa uzima wa milele, nao huo uzima umo katika Mwanawe. Yeye aliye naye Mwana, anao uzima, yeye asiye na Mwana hana uzima.” (1 Yoh.5:11,12).
Unaona? Uzima wa milele ni ndani ya Yesu! Unakumbuka Yesu alisema, ‘Mimi ni njia, na kweli na uzima.’ (Yoh.14:6). Yeye Mwenyewe ni Uzima! Hamna uzima, hamna uzima wa milile nje ya maisha na tabia ya Yesu Kristo. Haitoshi kuamini kwamba Yesu ni Mwana wa Mungu. “Unaamini kwamba kuna Mungu mmoja. Vema! Hata mashetani yanaamini hivyo na kutetemeka.” (Yak.2:19). Lazima ninaye Yesu Kristo ndani yangu. Maisha Yake ndani yangu huo ndio ni uzima wa milele ndani yangu! “Yeye aliye naye Mwana, anao uzima, yeye asiye na Mwana hana uzima.” Uzima wa milele ni hali ya tabia ya Mungu, kwa hiyo Mungu hakuweza kutupa Uzima wa Milele bila kutupa Uzima Wake, bila kutupa Roho Yake. Kwa hiyo Petro anatufundisha,

“Kwa kuwa uweza Wake WA UUNGU umetukirimia vitu vyote vipasavyo UZIMA NA UTAUWA… Kwa hayo ametukirimia ahadi kubwa mno, za thamani, ili kwamba kwa hizo mpate kuwa WASHIRIKA WA TABIA YA UUNGU…”. (2 Petro 1:3,4).
Na tena katika Waebrania,
“…hao (baba zetu) kwa siku chache waliturudi kama walivyoona vema wenyewe; bali Yeye (Mungu Baba) kwa faida yetu, ILI TUUSHIRIKI UTAKATIFU wake.” (12:10).
Yohana anatutangaza kwa wazi ukweli huu mkuu, “Watoto wadogo, ninyi MMETOKANA NA MUNGU, nanyi mmewashinda kwa sababu YEYE ALIYE NDANI YENU ni mkuu kuliko yeye aliye katika ulimwengu.” (1 Yoh.4:4).